Vuçiq në Kosovë, gjithçka gati edhe nga policia në Veri

Zëvendësdrejtori rajonal i Policisës së Kosovës në Mitrovicën e Veriut, Besim Hoti është deklaruar lidhur me rastin e vizitës që sot do ta bëjë në vendin tonë Presidenti i Serbisë, Aleksander Vuçiq.

Hoti për “Indeksonline” tha se janë marrë të gjitha masat e nevojshme dhe po ashtu të domosdoshme për këtë vizitë.

Ai theksoi se nuk ka asnjë indikacion për destabilizim të situatës.

“Janë ndërmarrë të gjitha masat e nevojshme dhe të domosdoshme. Deri më tani është gjithçka në rregull dhe nuk indikacione për destabilizim të situatës”, ka thënë Hoti për “Indeksonline”.

Ndryshe, vizita e Aleksander Vuçiq në Kosovë, ndodh pas vrasjes së politikanit serb, Oliver Ivanoviq, në veri të Mitrovicës, ku vrasësit dhe motivet e vrasjes ende nuk dihen./Indeksonline/