Vuçiqi përmendi Kaçanikun, reagon ashpër KF Lepenci

Presidenti i Serbisë, Aleksander Vuçiq e përmendi qytetin e Kaçanikut sot në një intervistë në Radiotelevizionin e Serbisë.

Ai tha se nuk mund t’i gënjej serbët se kombëtarja e Serbisë në futboll do të pritet në Kaçanik nëse arrin ndonjë sukses, transmeton Indeksonline.

‘Çka të bëjë që serbët nuk duan të dëgjojnë këtë. T’i gënjenj se do të kemi dalje te Vlora dhe se në Elbasan do të bëjmë nuk e di çka, që në Kaçanik do ta presin reprezentacionin serb kur të arrijë diçka’, ka thënë Vuçiq.

Sekretari organizativ i Lepencit, Shemsedin Abazi ka reaguar ndaj presidentit serb, duke thënë se vetëm ëndrra mund të shohin se do ta sjellin ekipin serb në Kosovë.

“Siç e kanë humbur luftën, ashtu vetem mund te shohin enderr se mund ta sjellin ekipin serb ne Kosove sepse shteti i Kosoves eshte Zot ne tokat e veta dhe se enderrat e tyre jane te shuara qysh prej luftes se shenjte te UÇK-se”, ka deklaruar ai./Indeksonline/