Vulin ende qanë për formimin e Ushtrisë së Kosovës

Ministri i Mbrojtjes në Serbi, Aleksandar Vulin ka vazhduar të deklarohet kundër formimit të Ushtrisë së Kosovës.

Ai tha se formimi i ushtrisë është i papranueshëm për Serbinë dhe se sipas tij KFOR-i është i vetmi garantues i sigurisë në Kosovë në pajtim me Rezolutën 1244 të OKB-së.

Në një takim që Vulin pati sot me komandantin e KFOR-it në Kosovë, Gjeneral Major Lorenzo D’Addario, ka thënë se serbët në Kosovë e shohin vetën të sigurt vetëm me KFOR-in, transmeton Indeksonline.

Ndërsa Gjenerali Lorenzo D’Adadario tha se respekton qëndrimin e qeverisë serbe dhe sjelljen e tyre të përmbajtur gjatë zhvillimeve në Kosovë.

Përpos kësaj, Vulin ka kërkuar që KFOR-i të mbetet me kapacitet të plotë në Kosovë, duke theksuar se vendimi për reduktimin e trupave të KFOR-it duhet të varet në vlerësimin e vazhdueshëm të zhvillimeve në sferën politike dhe jo në bazë të datave të caktuara./Indeksonline/