VW ka shitur çdo 41 sekonda nga një Golf, për 45 vite me radhë

Volkswagen dy ditë më parë ka mbushur 45 vite që prej fillimit të prodhimit të modelit Golf, i cili me mbi 35 milionë njësi të shitura në mbarë botën, është makina më e shitur ndonjëherë.

Më 29 mars 1974, fabrika e VW në Volfsburg filloi prodhimin e serisë MK1 të Golf, e cila është projektuar si zëvendësim i ikonës Beetle. Më 8 korrik të të njëjtit vit, Golf origjinal arrin në pikat e shitjes së VW. Makina godet menjëherë tregun dhe vetëm dy vjet më vonë, në tetor 1976, prodhuesi i automjeteve shet 1 milion njësi, shkruan IndeksOnline.

VW thotë se, mesatarisht, njerëzit kanë blerë një Golf të ri çdo 41 sekonda, çdo ditë, pa ndërprerje, për 45 vjet.

“Golf është në zemër të markës sonë. Ajo qëndron në progres dhe teknologji si asnjë makinë tjetër. Për shembull, Golf bëri që teknologjia e sigurisë të jetë e përballueshme për miliona njerëz për herë të parë. Falë kësaj, ajo bëri shenjën e saj në një brez të tërë, “komentoi Ralf Brandstätter, Zyrtari Kryesor i Operimit të VW.

“Për shtatë breza, Golf ka kontribuar në zhvillimin e Volkswagen si një markë dhe si një grup – një nga prodhuesit më të rëndësishëm të automobilave në botë.

Gama e motorit fillimisht përfshinte dy opsione: baza 1.1 litërsh me katër cilindra me 50PS (49 kuajfuqi) dhe një 1.5 litërsh me 70PS (69 kuajfuqi). Një transmetim manual me katër shpejtësi ishte standard dhe më pas një automatik me tre shpejtësi.

Këtë vit, VW do të zbulojë gjeneratën e tetë të Golfit, e cila tashmë është zbuluar në rrugë publike. Raportet sugjerojnë se Golfi i ri do të debutojë gjatë një evenimenti të veçantë disa javë pas shfaqjes së Frankurt Motor Show në shtator, duke shfaqur një kabinë dixhitale krejtësisht të re dhe sistemet gjysmë autonome. /IndeksOnline/