VW zbulon teknologjinë e re të dritave, janë super-speciale

Në të ardhmen, dritat e përparme dhe të pasme të makinave do të kenë më shumë opsione se sa vetëm ndriçimi dhe sinjalizimet e pozicionit. Volkswagen thotë se teknologjia e tyre e dritave do të shkojë aq larg sa për të komunikuar dhe për të rritur më tej sigurinë.

Në një seminar ndërkombëtar, kompania tregon se si sistemet e ndriçimit të së ardhmes do të rritin sigurinë dhe do të personalizojnë dizajnin e automjeteve, shkruan IndeksOnline. Në të ardhmen, veturat autonome të VW do të përballen me përdoruesit e rrugës me situata të reja, të tilla si mungesa e kontaktit me syrin me shoferët.

Njësitë interaktive do të përfshijë dritat mikro-pixel HD me deri në 30,000 pikë drite – tashmë një realitet në Mercedes-Maybach S Class aktual. Dritat mikro-pixel HD do të projektojnë informacionin direkt në rrugë, duke ndihmuar në përmirësimin e mëtejshëm të sigurisë.

Teknologjia gjithashtu do të mundësojë sisteme të reja ndihmëse si “Optical Lane Assist”, i cili projekton korsi para makinës. Ky sistem do t’i japë shoferit informata të sakta për gjerësinë e automjetit dhe distancën në shenjat e korsi rrugore.

Teknologjia e re do të lejoj që paralajmërimet poashtu të përfshihen në dritat e pasme. Për shembull, gjatë situatave të rrezikshme, dritat e pasme do të mundësojnë komunikimin makinë-makinë.

Për më tepër, funksionet e reja ndihmëse, si sistemi “Optical Park Assist” i bazuar në mikroskop, do të përmirësojnë sigurinë gjatë manovrave. Më konkretisht, do të projektojë rrugën e automjetit të njoftuar kalimtarët për procesin e parkimit. /IndeksOnline/