Ylli i filmit Bekim Fehmiu në konak te ‘Princi’ në Prishtinë
Unë jam ndër të parët që e marrë dhuratë librin për Bekimin të autorit Fahri Musliu, i cili e mbajti një ndejë me kolegët e tij të ish- gazetës “Rilindja”.
Nga Agim Muhaxheri
Ylli i filmit Bekim Fehmiu në konak te ‘Princi’, bri pallatit të “Rilindjes”, sot.
Autori i botimit të dytë të librit për Bekimin, gazetari e publicisti Fahri Musliu takohet me kolegët e tij të vjetër të ish- gazetës “Rilindja”në restorantin e përmendur.
Në këtë ndejë ishin të pranishëm Zenun Çelaj, Binak Kelmendi, Mehmet Gjata, Gani Mulliqi, por edhe gazetari i Indeksonline, Alban Muhaxheri.
Botimi i dytë i plotësuar i monografisë “Bekim Fehmiu – Odiseu i Kosovës”, është shtypur nga “Altera” në Prizren…
… Ka pëgatitje luksoze, me 739 faqe, më tepër se 160 tekste të autorëve nga gjuhë të ndryshme, me rreth 300 fotografi, pllakata filmi e kopje të tjera.
Sponsoruesi kryesor është biznismeni prishtinas mr. Milaim Abdullahu dhe Bashkimi i Intelektualëve Shqiptarë në Zvicër me kryetar Abas Fejzullahu.
Miku e kolegu im, Fahri Musliu ma dhuron librin me autografin e tij.
Libri doli ‘nga furra’ këto ditë. Unë jam ndër të parët që më dhurohet, iu them dy shoqëruesve të Musliut, kusherinjve të tij, vëllezërve Majlind e Dren Musliut.
Promovimi i këtij libri pritet të bëhet kah gjysma e dhjetorit, në Prishtinë.
Musliu ka në dorëshkrim librin tjetër – “Etika e informimit e gazetarisë dhe rrjeteve sociale”.
Në oborrin e Pallatit të “Rilindjes”, Fahri Musliu i dha një intervistë ekskluzive “Zërit të Amerikës”.