Zgjedhja e kryesuesit të bordit të ZRRE-së, Bekim Jakupi dhe Petrit Pepaj në balotazh

Deputetët e Kuvendit të Kosovës përmes votimit të fshehtë kanë votuar për kryesuesin e bordit të ZRRE-së, zgjedhjen e një anëtari të bordit të Radiotelevizionit të Kosovës, zgjedhjen e një anëtari nga radhët e komunitetit serb të RTK-së dhe për një anëtar të komuniteteve të tjera të Komisionit të Pavarur për Media.

Nga ky votim, për të cilin deputetët votuan radhazi, kanë shkuar në balotazh dy kandidatët që morën më së shumti vota për kryesues të Bordit të ZRRE-së, Bekim Jakupi me 35 vota dhe Petrit Pepaj me 22 vota.

Ndërsa për shkak të asaj se asnjëri nga kandidatët për anëtar të bordit të RTK-së dhe të KPM-së nuk arritën të marrin votat e nevojshme, duhet të përsëriten konkurset për pozitat përkatëse.

Pas përfundimit të numërimit të votave, Kuvendi ka shkuar në pauzë deri në orën 16.