Zgjidhet misteri i “Spider-Man-it” nga Parisi, i cili shpëtoi një fëmijë (Foto/Video)

Është një imazh që ka trazuar Parisin dhe botën: Një djalë i ri që varet nga një ballkon i një apartamenti në katin e katërt, ndërsa të tjerët nxitojnë për ta shpëtuar atë.

Dhe derisa ishin publikuar disa lajme rreth kësaj ngjarje, kishin lindur edhe disa pikëpyetje.

Pse djali është i varur mbi ballkon?

Katërvjeçari ishte nën kujdes të babait të tij në Paris ndërsa nëna e tij ishte gjetkë. Babai e kishte lënë djalin vetëm dhe i riu ishte varur në ballkon.

Fqinjët i kanë thënë CNN-it se djaloshi kishte rënë nga ballkoni më lart por disi e gjeti të kapur veten për kangjellat më poshtë.

Pse burri lart nuk e tërheq atë për ta shpëtuar?

Burri në apartamentin fqinj, i cili dha emrin e tij si Florian, u afrua tek një mur ndarës dhe e rrëmbeu djalin.

Por ai i ka thënë filialit të CNN se ai kishte frikë se fëmija mund të binte nëse ai do të përpiqej për ta tërhequr atë mbi ballkon e tij.

“Doja të veproja me kujdes mbi të gjitha dhe sigurisht nuk doja të rrezikoja jetën e fëmijës”, tha ai.

Florian tha se po e inkurajonte fëmijën të afrohej më pranë tij. “Ai kishte guximin e jashtëzakonshëm”, transmeton Telegrafi.

Kush është heroi që ngjitet në ndërtesë?

Mamoudou Gassama, një emigrant 22-vjeçar nga Mali, ishte në lagje për të parë një ndeshje futbolli kur pa një turmë të mbledhur rreth ndërtesës.

Ndërkohë që të tjerët e shikuan, ai filloi të veprojë, duke shkallëzuar pjesën e jashtme të ndërtesës, përpara se të rrëmbejë krahun e fëmijës dhe ta tërheqë atë në siguri.

U deshën më pak se 30 sekonda që Gassama të ngjitej deri te vogëlushi, duke fituar edhe pseudonimin “Spider-Man” (njeriu merimangë).

“Unë nuk mendova, u ngjita dhe Perëndia më ndihmoi”, i ka thënë ai kryetarit francez Emmanuel Macron, i cili e ftoi Gassamën në Pallatin Elysee dhe i ofroi atij shtetësi franceze. Gassamas gjithashtu i është ofruar një punë me brigadën e zjarrit në Paris.

Ku ishte babai i djalit?

Ai kishte shkuar për të bërë pazar, tha prokurori francez Francois Molins në një intervistë të hënën. Kthimi i tij në shtëpi, gjithashtu ishte vonuar sepse luante lojën e smartfonëve “Pokemon Go”.

Babai është shumë i mërzitur nga pasojat e veprimeve të tij dhe përballet me deri në dy vjet burg për braktisjen e përgjegjësive të tij prindërore.