Zyra e BE-së: Kosovës i duhet stabilitet institicional për të përfituar nga momentumi i ri i zgjerimit

Zyra e Bashkimit Evropian ka thënë se Kosovës i duhet stabilitet institicional për të përfituar nga momentumi i ri i zgjerimit të BE’së dhe Plani i Rritjes.

Deklarata vjen pas takimit të Shefes në detyrë të BE-së në Kosovë, Eva Palatova, me Drejtoreshën e Zgjerimit të BE-së dhe Fqinjësisë Lindore për Ballkanin Perëndimor, Valentina Superti.

Palatova e ka pritur atë në takim përpara takimeve të saj me përfaqësuesit institucionalë dhe të shoqërisë civile nesër.

“Kosovës i duhet stabilitet institucional për të përfituar plotësisht nga momentumi i ri i zgjerimit të Bashkimit Evropian, Plani i Rritjes dhe IPA”, thuhet në njoftim.