Zyrtare: Vojvoda i bashkohet Torinos
Mbrojtësi i Kombëtares së Kosovës, Mërgim Vojvoda, i është bashkuar Torinos nga Standard Liege, njofton klubi i Series A.
Ai i bashkohet shokut të vet nga Kombëtarja e Kosovës, Samir Ujkani, në Stadiumin Olimpik.
“Klubi i futbollit Torino njofton me kënaqësi se i ka siguruar shërbimet e lojtarit të Standard Liege Mërgim Vojvoda. Mbrojtësi ka nënshkruar kontratën katërvjeçare”, thuhet në njoftimin e Torinos.
I rritur në akademinë e Lieges, ylli i lindur në Llaushë të Skenderajt, debutoi në ligën elitare belge për Royal Excel në seozanin 2016-17.
Pas tre vjetëve dhe 103 paraqitjeve për Excel, Vojvoda u kthye në Liege ku luajti sezonin e fundit.
25-vjeçari i ka bërë 22 paraqitje për Kombëtaren dardane, me të cilën e ka shënuar një gol.