Haradinaj: Të shqetësuar për vërshimet në Suharekë
Kryeministri i vendit, Ramush Haradinaj ka shprehur shqetësimet e tij lidhur me vërshimet që ndodhen në komunën e Suharekës.
Haradinaj ka thënë se ka kërkuar nga FSK dhe MPB mobilizim për të ndërmarrë të gjitha masat e nevojshme, shkruan Indeksonline.
Shkrimi i tij i plotë:
Me shqetësim kemi marrë lajmin për vërshimet në Suharekë.
Si Kryeministër i vendit, menjëherë kam kërkuar nga FSK dhe Ministria e Punëve të Brendshme, mobilizim dhe që të ndërmarrin të gjitha masat dhe veprimet e nevojshme për t’u dalë në ndihmë banorëve të kësaj ane.
Po ashtu, jam në kontakt të vazhdueshëm me Kryetarin e kësaj komune, z.Bali Muharremaj dhe po e përcjellim me vëmendje situatën e krijuar në Suharekë.
Si qeveri e vendit do të bëjmë maksimumin që të parandalojmë rrezikimin e jetëve të qytetarëve tanë dhe t’u dalim në ndihmë banorëve që kanë pësuar nga kjo fatkeqësi natyrore.
RH