Mësohen tri skuadrat që sigurojnë grupet e Ligës së Kampionëve
Sot janë zhvilluar tri ndeshjet kthyese të Play-off të Ligës së Kampionëve.
AEK Athina, Young Boys dhe Ajax janë tri skuadrat e para që kanë siguruar një vend në grupet e Ligës së Kampionëve.
AEK në këtë fazë eliminoi skuadrën hungareze MOL Vidi me rezultat të përgjithshëm 3-2. Në ndeshjen e parë, grekët kishin fituar 1-2 si mysafir ndërsa sot u kualifikuan vetëm me një barazim 1-1.
Young Boys eliminuan Dinamon e Zagrebit me rezultat të përgjithshëm 2-3. Ndeshja e parë në Zvicër përfundoi barazim 1-1 ndërsa në Zagreb zviceranet fituan 1-2.
Në grupe do të luaj edhe Ajaxi e cila eliminoi Dinamon e Kievit. Holandëzët triumfuan falë rezultatit të ndeshjes së parë 3-1 pasi në Ukrainë nuk u shënua asnjë gol.
Nesër do të mësohen edhe tri skuadrat e fundit që kualifikohen në grupe nga faza kualifikuese. PAOK – Benfica, PSV – Bate dhe Salzburg Crvna Zvezda janë çiftet e ditës së nesërme.
Kujtojmë se kundërshtarët e grupeve skuadrat e Ligës së Kampionëve do t’i mësojnë të premtën. /IndeksOnline/