​Britania nis bisedimet tregtare me BE-në, me kërcënimin e ndërprerjes

Londra zyrtare ka njoftuar sot pozicionet e saja fillestare për negociatat tregtare me Bashkimin Evropian, duke kërcënuar të ndërpresë bisedimet nëse nuk arrihet ndonjë përparim brenda katër muajve.

Të dy palët janë në rrugën e duhur për një raund të parë të vështirë të bisedimeve, të cilat fillojnë të hënën dhe në të cilat duhet të dakordohen marrëdhëniet e reja pasi Britania të largohet nga BE-ja.

Britania e Madhe dhe BE-ja duan një marrëveshje të tregtisë së lirë, por kanë pikëpamje shumë të ndryshme se si duhet të monitorohet dhe çfarë përbën konkurrencën midis dy ekonomive të tyre, transmeton AP.

Qeveria britanike sot ka përjashtuar mundësinë e respektimit të rregullave të BE-së, të cilat Unioni… do të dëshironte, në këmbim të një marrëveshje të favorshme të tregtisë së lirë.

“Qeveria nuk do të negociojë asnjë marrëveshje në të cilën Britania e Madhe nuk do të kishte kontroll mbi ligjet dhe jetën e saj politike”, njoftoi sot Qeveria britanike.

Dokumenti britanik u lëshua dy ditë pasi Bashkimi Evropian miratoi pozicionet e tij negociuese për biseda komplekse që fillojnë të hënën.

Londra zyrtare ka kërcënuar se mund të tërhiqet nga negociatat e BE-së tashmë në qershor deri në fund të këtij viti nëse nuk ka ndonjë perspektivë serioze për një marrëveshje. Qeveria britanike shpreson se “tiparet kryesore të marrëveshjes” do të vendosen deri në qershor.

Nëse kjo nuk ndodh, Qeveria duhet të vendosë nëse vëmendja e Britanisë së Madhe duhet të largohet nga negociatat dhe të përqendrohet në vazhdimin e përgatitjeve për largimin nga BE-ja pa marrëveshje më 31 dhjetor.

BE-ja beson se nëse të dy palët arrijnë marrëveshje, BE-ja duhet të pranojë të ndjekë rregullat e saj në fushat e ndihmës shtetërore për mbrojtjen e mjedisit dhe të lejojë anijet evropiane të peshkimit qasje në ujërat britanike.

Britania e Madhe po kërkon të devijojë nga rregulloret e BE-së për të qenë në gjendje të lidhë marrëveshje të reja tregtare në të gjithë botën dhe të forcojë ekonominë britanike.

“Në përpjekje për të arritur një marrëveshje, ne nuk do të tregtojmë me sovranitetin tonë”, tha Michael Govi, ministër përgjegjës për përgatitjen e Brexitit në Dhomën e Ulët të Parlamentit.

Britania e Madhe u largua nga BE-ja më 31 janar, por mbetet e detyruar nga rregulloret e BE-së deri në fund të periudhës së transicionit të 31 dhjetorit.

Sipas marrëveshjes, periudha e transicionit lejohet të zgjasë edhe për dy vjet të tjerë, por kryeministri britanik Boris Johnson tha se ai nuk do të pajtohet dhe se vendi i tij do të largohet nga BE-ja më 1 janar 2021, duke përfshirë tregun e vetëm për tregtinë e mallrave dhe shërbimeve.

Udhëzimet britanike të bisedimeve tregojnë se koha për të rritur një marrëveshje është “e kufizuar, por e mjaftueshme”.

Në dokumentin e Qeverisë britanike thuhet se “skica e përgjithshme e marrëveshjes” duhet të përfundojë deri në qershor, dhe nëse jo, Londra do të pezullojë negociatat dhe do të përqendrohet në përgatitjet e brendshme për “daljen nga periudha e transicionit në mënyrë të organizuar”.