​Çfarë thuhet në dokumentet sekrete për aeroplanët F-16?

​Çfarë thuhet në dokumentet sekrete për aeroplanët F-16?

Kreu i shtetit dhe ushtrisë kroate, të paktën një vit më parë, ishte i njoftuar me pozicionin e SHBA dhe kushtet e shitjes së avionëve izraelitë F-16 Barak.

Që në janar 2018, pala amerikane dërgoi të ashtuquajturat ” një dokument non-paper” në të cilin tregoi qartë se çfarë janë të gjitha pengesat për blerjen e avionëve izraelitë.

Informacioni që pala kroate ose Zyra e Presidentit është e njohur me problemet u njoftua të premten nga Velimir Bujanec. Dokumenti amerikan arriti në Pantovcak në janar të vitit të kaluar, konfirmoi një burim i afërt me presidenten kroate për Jutarnji List. Sipas tij, i njëjti dokument duhej të vinte në Zyrën e Kryeministrit, si dhe në Ministrinë e Mbrojtjes, pasi ata vendosën drejtpërdrejt për blerjen.

Ishte një lloj udhëzimi teknik që tregonte qartë se çka dëshironte pala amerikane për të bërë në lidhje me blerjen e avionëve, dhe më shumë ose më pak, ato ishin qëndrimet që Uashingtoni zyrtar i mbajti deri në fund.

Edhe pse këto informacione konfidenciale erdhën deri te Bujanec, nuk dihet se si erdhi deri te kjo, por nuk përjashtohet që ish-këshilltari i mëparshëm, Mate Radeliq ishte i informuar për gjithçka.

Thuhet se që nga fillimi i këtij procesi të prokurimit të avionëve të luftës, ishte e rëndësishme të rritet aftësia e Forcave të Armatosura kroate, por në nivel teknik zyra e Radeliq nuk kishte lidhje.

Sipas Jutarnji List, amerikanët qysh në vitin 2017, në kohën kur Izraeli ftoi Kroacinë të ofrojë avionët Barak, ata dërguan një dokument në Izrael ku specifikuan se në cilat kushte teknike mund t’i shesin aeroplanët Kroacisë. Pala kroate gjithashtu ishte e njohur me këtë letër, pohojnë burimet e Jutarnji list.