​Dëgjoi “fishkëllimë” në organe, mjekët tronditen nga zbulimi

Ajo ditë dukej si një makth, një burrë 72-vjeçar i paidentifikuar nga SHBA më vonë tregoi tinguj të çuditshëm që vinin nga organet e tij gjenitale, më saktë – nga skrotumi.

Vrapoi në ambulancë pa frymë, me fytyrë të fryrë. Mjekët e panë me habi. American Journal of Case Reports më vonë shkroi se ai ishte personi i parë në botë me një ‘skrotum fishkëllimë’.

Ai u dërgua menjëherë për një radiografi për të deshifruar rrjedhën e pazakontë të ajrit në trupin e tij.

Një skanim i gjoksit tregoi se kishte një sasi të tepërt ajri të bllokuar në trup. Kjo përfundimisht shkaktoi kolapsin e mushkërive, gjë që mund të rezultojë në dëmtim të përhershëm të funksionit të zemrës dhe mushkërive, madje mund të çojë në vdekje.

Mjekët më në fund zbuluan burimin e problemit. Ishte një plagë e hapur në anën e majtë të skrotumit të mbetur pas operacionit në testikuj.

Burri përfundoi në anestezi të thellë menjëherë pas diagnozës. Mjekët i futën dy tuba plastikë në gjoks përmes të cilave ajri i tepërt dilte nga trupi i tij.

“Ai ishte i ënjtur i tëri dhe gjendja e tij po përkeqësohej. Një sasi e caktuar ajri ishte bllokuar në mes të mushkërive të tij dhe murit të kraharorit, dhe ajo vazhdimisht rritej”, tha mjeku Brant Bickford i cili udhëhoqi këtë çështje.

Për fat të mirë, mushkëritë e tij u kthyen në normalitet tri ditë pas procedurës dhe ai u lirua në shtëpi në gjendje të mirë.

Megjithatë, për mjekët nuk është e qartë se si ajri mbeti i bllokuar në skrotum për kaq gjatë (kjo gjendje quhet ndryshe – pneumoscrotum). Ka zgjatur dy vjet, që sipas mjekëve është “jashtëzakonisht e gjatë”.

Përndryshe, pneumoscrotum është një gjendje e rrallë në të cilën ajri mbetet i bllokuar në skrotum.

Vetëm 60 raste janë përshkruar në literaturën mjekësore. Meqenëse ajri nuk mund të dalë përmes hapjeve të trupit, ky çrregullim kërkon ndërhyrje mjekësore, transmeton New York Post.