​Kuvendi mban dy seanca, të premten

Të premten do të mblidhen sërish deputetët e Kuvendit të Kosovës në dy seanca plenare. Në orën 10:00 pritet të jetë vazhdimi i seancës së kaluar me votimin e disa pikave për të cilat nuk ka pasur kourum në vendimmarrje, ndër të cilat është edhe Projektligjit për mbrojtjen e vlerave të luftës së UÇK-së.

Ndërsa prej orës 11:00 pritet të mbahet seanca e re plenare në të cilën do të shqyrtohen disa projektligje dhe marrëveshje ndërkombëtare.

Kështu ka vendosur kryesia e Kuvendit të Kosovës në mbledhjen e sotme.