5 arritjet më të mira mjekësore të vitit 2017 që të gjithë duhet t’i dinë!

Hulumtuesit në vitin 2017 kanë punuar pa u lodhur për ta bërë jetën tonë pak më të mirë dhe shumë më të shëndetshme në vitet që do të vijnë. Këto arritje përfshijnë përparime në Alzheimer, Parkinson, kancer dhe trajtim ndaj HIV.

Më poshtë janë disa nga arritjet më të mëdha mjekësore të vitit 2017 që do ta bëjnë secilin prej nesh krenar, transmeton Indeksonline.

Terapia me  oksigjen për sëmundjen Alzheimer
Ndër përparimet më të fundit është përdorimi i oksigjenit hiperbolik për trajtimin e sëmundjes Alzheimer. Një sëmundje progresive, Alzheimer është e njohur për rezistencën e saj ndaj trajtimit. Por zbulimi është përshëndetur si një moment historik në trajtimin e Alzheimer sepse është thënë se përmirëson patologjinë e sëmundjes dhe korrigjon disa nga problemet e sjelljes te pacientët. Terapia me oksigjen mund të zvogëlojë simptomat e Alzheimerit.

 Vaksina e PaxVax
Kolera është një sëmundje gastrointestinale që prek zorrët e vogla. Një nga shenjat dalluese të sëmundjes është se ajo mund të marrë përmasa epidemike. Dhe që nga 2010, kolera është klasifikuar si një pandemi. Për të luftuar këtë problem, kompania e vaksinimit PaxVax ka zhvilluar një vaksinë kolera, një dozë e vetme e cila mund të ndalojë epideminë në gjurmët e saj, duke kontrolluar shpërthimet e mëdha më shpejt. Vaksina PaxVax mund të ndalojë epideminë e kolerës nga përhapja.

Përdorimi i sistemit imunitar për të luftuar kancerin tek fëmijët
Terapia e qelizave CAT-T është një nga zbulimet më të fundit dhe më efektive në trajtimin e kancerit. Sipas një studimi të kryer nga Qendra e Kancerit në New York City, studiuesit kanë gjetur një mënyrë për të trajtuar leukeminë limfoblastike akute te fëmijët duke përdorur sistemin imunitar për të sulmuar dhe vrarë qelizat e kancerit. Kjo ndihmon fëmijët e prekur nga sëmundja e tmerrshme për të arritur mëkëmbjen më të shpejtë dhe për të jetuar një fëmijëri normale.

 ‘Goditja dhe vrasja’ e virusit HIV
HIV ka aftësinë për t’i rezistuar mjekimit dhe trajtimit. Pra, kur pacienti ndalon ilaçet, ky virus i fjetur zgjohet sërish dhe fillon përsëri të sulmojë trupin. Pra, shkencëtarët nga Instituti Kombëtar i Shëndetësisë në Stanford janë përpjekur të gjejnë një mënyrë për të nxejrrë virusin nga vendet e fshehura dhe ta sulmojnë kur aktivizohet. Ekipi i shkencëtarëve e ka quajtur me vend teknikën “goditje dhe vrasje”.

 Testet e kafshëve për transplantimin e kokës
Deri kohët e fundit, transplantimi i kokës si një mundësi ekzistonte vetëm në fantazi shkencore. Por një eksperiment i kohëve të fundit i kryer nga një grup mjekësh kinezë e solli këtë fantazi një hap më afër realitetit. Mjekët shkëputën kurrizin e 15 minjve dhe u përpoqën t’i bashkëngjitnin  ato sërish në 9 prej tyre. Me përjashtim të një, të gjithë minjtë mbijetuan afërsisht një muaj pas eksperimentit. Një njeri rus që vuan nga atrofija muskulare kurrizore ka dalë vullnetar për operacionin e transectionit kurrizor./Indeksonline/