Zhvillohet mbledhja e Qeverisë në detyrë, mungojnë ministrat e LDK-së
Prej nesër pritet të startojë faza e radhës me masat lehtësuese që kanë të bëjnë me pandeminë COVID-19.
Para se të nis kjo fazë zyrtarisht, Qeveria në detyrë e udhëhequr nga Albin Kurti po zhvillon mbledhjen e radhës.
Por ajo që bie në sy në këtë mbledhje është se të pranishëm janë vetëm ministrat e emëruar nga Lëvizja Vetëvendosje, raporton Indeksonline.
Të pranishëm në këtë mbledhje nuk janë ministrat në detyrë të LDK-së.
Faza e radhës e masave lehtësuese parasheh rihapjen e shumë bizneseve, hapjen e kufijve tokësor e ajror e disa masa të tjera.
Pjesë e kësaj mbledhjeje janë: Ministri në detyrë i Jashtëm, Glauk Konjufca, ajo e Ekonomisë, Rozeta Hajdari, ministrja Emilja Rexhepi si dhe ai i Shëndetësisë, Arben Vitia, kurse pas përfundimit të kësaj mbledhje është paraparë të mbahet edhe një konferencë për media./Indeksonline/