Ndalohet nesër qarkullimi i automjeteve në një segment të autoudhës, “Arbën Xhaferi”

Ministria e Infrastrukturës njoftoi se nesër, për shkak të zhvillimit të punimeve saktësisht të betonimit të soletës kaluese në mbikalimin për këmbësorë dhe për sigurinë publike, prej orës 10:00 deri në orë 14:00, ndalohet qarkullimi i automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes.

Gjatë periudhës së ndalesës, të gjithë pjesëmarrësit në trafikun rrugor do të orientohen të qarkullojnë përmes rrugës nacionale N2 Prishtinë – Hani i Elezit dhe anasjelltas.

Ministria e Infrastrukturës kërkon mirëkuptim nga pjesëmarrësit në komunikacion.