Vdes ish-futbollisti i Manchester City-t, bashkëlojtari i 2 futbollistëve të Kosovës
Ka ndërruar jetë futbollisti 17-vjeçar i Manchester City-t, Jeremy Wisten, ielën.
Futbollisti i lindur në Malavi ishte pjesë e akademisë së gjigantit anglez nga viti 2016 para se të largohej së fundmi.
Derisa shkaktari i vdekjes së tij ende nuk është bërë i ditur, City e ka nderuar atë përmes një komunikate për media të dielën mbrëma.
“Familja Manchester City e ka mësuar me trishtim lajmin për vdekjen e ish-lojtarit të akademisë, Jeremy Wisten. Ngushëllime të sinqerta familjes dhe miqve të tij. Bashkëndiejmë me ju në këtë kohë të vështirë për ju”, thuhet në komunikatën e City.
The Manchester City family are saddened to learn of the passing of former Academy player Jeremy Wisten. We send our deepest condolences to his friends and family. Our thoughts are with you at this difficult time.
— Manchester City (@ManCity) October 25, 2020
Një numër i lojtarëve seniorë të City-t e nderuan atë, përfshirë Raheem Sterlingun dhe Aymeric Laportet.
Cole Palmeri, i cili ka qenë në akademinë e City-it që prej vitit 2010, e njihte Wistenin dhe e postoi këtë mesazh emocionues për t’ia thënë lamtumirën atij në Instagram.
“Do të na mungosh përjetë. Pusho në Parajsë vëlla!”, shkroi Palmeri.
Wisteni ka punuar së bashku me dy futbollistët e Kosovës, Arijanet Muriçin dhe Bersant Celinë. /IndeksOnline/
