Evropa premton 650 mijë vaksina “Pfizer” gjatë prillit në Ballkan

Presidentja e Komisionit Evropian, Ursula von der Leyen, ka premtuar prapë se Evropa do t’i ndihmojë Ballkanit Perëndimor me vaksinimin anti-COVID.

Nëpërmjet bisedave telefonike me liderët e Ballkanit, ajo ka njoftuar se 650 mijë doza të vaksinës së “Pfizerit” do të dorëzohen në gjysmën e dytë të muajit prill në shtetet e Ballkanit.

Nëpërmjet Twitterit ajo ka konfirmuar bisedat telefonike me liderët e Bosnjës, Shqipërisë dhe të Malit të Zi.

Ajo njoftoi se “Evropa do të qëndrojë pranë partnerëve në Ballkanin Perëndimor”.

“Diskutova me Edi Ramën për shpërndarjen e vaksinave në Shqipëri, financuar nga Komisioni Evropian, për të vaksinuar sa më shpejt punonjësit e kujdesit shëndetësor dhe njerëzit në nevojë. Së bashku do ta kapërcejmë pandeminë”, ka thënë ajo për bisedën me kryeministrin e Shqipërisë.

Kurse, kryeministri i Shqipërisë, Edi Rama, të shtunën ka njoftuar se ka marrë konfirmimin nga presidentja e Komisionit Europian, Ursula von der Leyen se 651 mijë vaksina Pfizer shumë shpejt do të vijnë në rajon.

Këtë lajm e bëri të ditur Rama përmes një shkrimi në Facebook, shkruan IndeksOnline.

“Një LAJM I MIRË në telefonatën me Presidenten e Komisionit Europian, Ursula von der Leyen: Së shpejti 651 mijë vaksina Pfizer do të vijnë në rajon nga Bashkimi Europian

Më në fund

*në zyrat e Bashkisë Krujë”, tha ai./IndeksOnline/