Të shtunën në Shqipëri vijnë 40 mijë doza të vaksinës AstraZeneca

Ministrja e Shëndetësisë në Shqipëri, Ogerta Manastirliu ka lajmëruar se të shtunën vendi merr 40 mijë doza të vaksinës AstraZeneca.

Ajo thotë se këto doza Shqipëria i përfiton nga Covax.

Nga Kamza ku ndoqi nga afër procesin e vaksinimit nën shoqërinë e kryeministrit Edi Rama, ndër të tjera Manastirliu thekson se deri më sot në Shqipëri mbi 200 mijë të moshuar kanë marrë një dozë të vaksinës, ndërsa sot kalohet shifra e 300 mijë të vaksinuarve.

‘’Vijojmë me vaksinimin masiv të popullatës +60 vjeç. Edhe në Kamëz, kemi filluar me të sëmurët kronikë, si prioritet. Sot arrijmë mbi 200 mijë të moshuar që kanë marrë nga një dozë“, tha Manastirliu./noa/