Liderët e Ballkanit Perëndimor mblidhen në Vjenë
Kancelari austriak, Sebastian Kurz, po kryeson një samit midis Austrisë dhe Ballkanit Perëndimor.
Samiti mblodhi në Vjenë udhëheqësit e Kosovës, Shqipërisë, Serbisë, Bosnje e Hercegovinës, Maqedonisë së Veriut dhe Malit të Zi.
Kosova përfaqësohet nga kryeministri Albin Kurti, Shqipëria nga ministrja e Infrastrukturës dhe Energjetikës, Belinda Balluku, Serbia nga kryeministrja Ana Bërnabiq, Bosnja nga kryesuesi i Këshillit të Ministrave, Zoran Tegeltija, Maqedonia e Veriut nga kryeministri Zoran Zaev dhe Mali i Zi nga kryeministri Zdravko Krivokapiq.
Në samit po merr pjesë edhe përfaqësuesi i posaçëm i Bashkimit Evropian për dialogun midis Kosovës dhe Serbisë, Mirosllav Lajçak.
Kurz paralajmëroi se në samit do të theksohet se Ballkani Perëndimor mund të llogarisë në mbështetjen e plotë për reformat në rrugën drejt BE-së dhe për luftën kundër pandemisë së koronavirusit.
Do të flitet edhe për luftën e përbashkët kundër migracionit të paligjshëm, shkroi Kurz në Twitter.
Die #EU ist erst vollständig, wenn ihr alle Westbalkanstaaten beigetreten sind. Sie können sich dabei, bei den dafür nötigen Reformen sowie beim Kampf gegen die Pandemie auf unsere volle Unterstützung verlassen. Das werden wir auch beim heutigen beim Westbalkan-Gipfel betonen.
— Sebastian Kurz (@sebastiankurz) June 18, 2021
