Prokuroria Speciale ka bërë dy kërkesa për lëshim të urdhër arrestit kundër tre personave

Prishtinë, 15 shtator 2021 – Prokuroria Speciale e Republikës së Kosovës (PSRK), ka bërë dy (2) kërkesa për lëshim të urdhër arrestit për tre (3) persona të dyshuar për vepra të ndryshme penale.

Prokuroria Speciale njofton se kërkesa e parë e urdhër arrestit ka të bëjë kundër një (1) personi për veprën penale “Krime lufte kundër popullsisë civile” sipas ligjeve në fuqi dhe konventave ndërkombëtarë.

Ndërkaq, kërkesa e dytë e urdhër arrestit është kundër dy (2) personave, për veprat penale “Pjesëmarrja ose organizimi i grupit kriminal të organizuar’’ nga neni 283 paragrafi 1 të KPRK-së, lidhur me veprën penale “Keqpërdorim i pozitës apo autoritetit zyrtar’’ nga neni 422 paragrafi 1 i KPRK.