Basha për zgjedhjet në Kosovë: Leksion demokracie, respekt për të gjithë

Pas kryeministrit Edi Rama, edhe lideri i opozitës, kreu i Partisë Demokratike Lulzim Basha komentoi rezultatet e zgjedhjeve vendore në Kosovë.

Sipas Bashës, zgjedhjet përfaqësojnë një leksion të demokracisë.  “Urime Kosovë  për leksionin e demokracisë që përcolle edhe në këto zgjedhje! Suksese kryetarëve të zgjedhur në misionin e tyre në shërbim të qytetarëve të Kosovës dhe përmirësimin e kushteve të jetës së tyre. Respekt për të gjithë kandidatët që treguan qytetari në këtë garë”.

Më parë, kryeministri Rama kishte përgëzuar në veçanti kryebashkiakun e ri të Prishtinës, kandidatin e LDK Përparim Rama, që mundi kandidatin  e Vetëvendosjes Arben Vitia.