Shansi i fundit i Manchesterit për të ‘nxjerrë diçka’ nga Lingard, po e kërkon Newcastle

Newcastle po punon për të nënshkruar me Jesse Lingard në huazim nga Manchester United për pjesën tjetër të sezonit.

Marrëveshja do të përfaqësonte shansin e vetëm realist të United për të siguruar një tarifë për Lingard, të cilit i skadon kontrata në qershor, shkruan Indeksonline.

Newcastle do të mbulonte gjithashtu të gjithë pagën e Lingard prej 100,000 funta në javë për pjesën tjetër të kontratës së tij me United.

Lingard, i cili nuk është në skuadrën e United për ndeshjen sonte në Brentford për shkak të një dëmtimi në kyçin e këmbës, ende nuk ka vendosur për një lëvizje dhe ende besohet se favorizon një rikthim në Londër.

Tottenham është i interesuar të nënshkruajë përgjithmonë Lingard gjatë verës dhe United nuk ka gjasa të forcojë një rival që është mbi ta në Premier League me dy ndeshje më pak.

West Ham dëshironte të nënshkruante përgjithmonë me Lingardin në verë, pasi ai shënoi nëntë gola në 16 ndeshje për klubin. /IndeksOnline/