Javë për t’u harruar për Benzeman, hajnat i grabitin shtëpinë

Java qe lamë pas nuk ishte shumë e mirë për yllin e Real Madridit, Karim Benzema.

Ai u përball dy herë me Elchen, ndeshje këto aspak të lehta.

Në përballjen e parë, Benzema humbi një penallti për ekipin, ndërsa me të nisur pjesën e dytë të lojës u ndalua nga një lëndim në minutën e 58-të.

Edhe përballja e vikendit në kuadër të ligës, përsëri me Elche, për Benzeman ishte fatkeqe.

Kjo pasi teksa po zhvillohej ndeshja në Santiago Bernabeu, hajnat hynë në shtëpinë e francezit.

Sipas raportit, hajdutët hynë në shtëpi përmes kopshtit, i vendosur në një kompleks shtëpish luksoze, në një kohë kur në të nuk ishte asnjë njeri.

Momentalisht nuk dihet akoma se çka kanë arritur të marrin hajnat nga kjo grabitje./Indeksonline/