Futbolli nuk ka kufij: Mykolenko dhe Zinchenko, ukrainasit që përqafohen para derbit Everton-City

Dje u ballafaquan Everton dhe Manchester City, në kuadër të liges Premiere.

Ndeshja zuri vend në stadiumin e Evertonit dhe ajo çka ra në sy ishte një gjest human i bërë gjatë stërvitjes së fundit para ndeshjes.

Mbrojtësi i majtë i Evertonit, Vitali Mykolenko, dhe mesfushori i Manchester Cityt, Oleksandr Zinchenko, ndanë kohën për të përshendetur dhe përqafuar njëri-tjetrin.

Të dy futbollistët janë me prejardhje ukrainase, dhe situata e zhvilluar në vendlindjen e tyre ka bërë që ata të bashkëndjejnë me njëri-tjetrin dhe të këmbejnë një bisedë për pak sekonda.

Kjo gjë u duartrokit dhe brohorit nga tifozat e të dy ekipeve, të cilët gjatë ndeshjes gjithashtu u solidarizuan dhe shfaqen mbështetje për popullin ukrainas.

Kjo bëri që sytë e ukrainasve nga të dy kampet e ekipeve të mbushën me lotë.

Ndeshja në Goodison Park përfundoi me rezultat minimal në favor të Manchester Cityt./Indeksonline/