Ukraina e demanton Rusinë që tha se ka përparim në negociata

Negociatori rus, Vladimir Medinsky ka thënë më herët se Moska dhe Kievi janë “në gjysmë të rrugës” për të rënë dakord për çështjen e çmilitarizimit të Ukrainës dhe pikëpamjet e tyre janë më të lidhura me neutralitetin e Ukrainës dhe heqjen dorë nga bashkimi me NATO-n.

Por këtë e ka demantuar negociatori ukrainas, Mykhailo Podolyak, i cili përmes një postimi në Twitter, ka thënë se qëndrimet e shtetit që ai përfaqëson nuk kanë ndryshuar në raport me Rusinë, raporton BBC.

Podolyak thotë që Rusia po përpiqet që të “provokojë tensione në media”  dhe thotë që pozicioni i Ukrainës mbetet i pandryshuar sa i përket negociatave me Rusinë.

“Armëpushimi, tërheqja e trupave dhe garancitë e forta të sigurisë me formula konkrete mbeten kërkesat tona”, ka shkruar Podolyak në Twitter.

Negotiation status. The statements of the Russian side are only their requesting positions. All statements are intended, inter alia, to provoke tension in the media. Our positions are unchanged. Ceasefire, withdrawal of troops & strong security guarantees with concrete formulas.

— Михайло Подоляк (@Podolyak_M) March 18, 2022