11:21 / E Hënë, 25 Prill 2022 / MSH
Rusia sulmon stacionet hekurudhore të Ukrainës
Sulmet ruse kanë goditur një numër stacionesh hekurudhore në Ukrainën qendrore dhe perëndimore.
Një nga ata që u goditën ishte stacioni Krasne, në lindje të Lviv.
Maksym Kozytskyi, kreu i rajonit Lviv, ka postuar në kanalin e tij në Telegram se një raketë goditi një nënstacion elektrik rreth orës 08:30.
“Nuk ka ende informacion për viktima”, ka shkruar ai.
Shërbimet e emergjencës ndodhen në vendngjarje dhe po punojnë për shuarjen e zjarrit.
Pamjet e tregojnë një shtëllungë të madhe tymi që del nga stacioni.
