Zyrtare: Mahrez vendos për të ardhmen e tij

Riyad Mahrez edhe zyrtarisht ka vazhduar kontratën me skuadrën e Manchester Cityt, edhe për dy vite të tjera.

Algjeriani do të jetë pjesë e ekipit të Pep Guardiolës deri më 30 qershor 2025, transmeton Indeksonline.

“Jam shumë i lumtur që nënshkruaj marrëveshjen e re”, tha Mahrez .

“Kam shijuar çdo minutë të kohës sime këtu. Është kënaqësi të jesh pjesë e një klubi kaq të jashtëzakonshëm.

“Të na ndihmosh të arrijmë suksesin që kemi gëzuar në katër sezonet e kaluara ka qenë e paharrueshme dhe na ka bërë të gjithëve të uritur për të kërkuar për të arritur edhe më shumë.

“Dëshiroj gjithashtu të falënderoj Pep, Txiki dhe stafin trajner, si për mënyrën se si më kanë ndihmuar të zhvillohem si lojtar dhe që më kanë shtyrë të vazhdoj të përmirësohem.

“Tani dua të përpiqem të luaj rolin tim për të na ndihmuar të jemi të suksesshëm sezonin e ardhshëm dhe më tej”, tha Mahrez pas vazhdimit të kontratës.

Mahrez deri më tani ka bërë 189 paraqitje për klubin, duke shënuar 63 gola dhe duke kontribuar 45 asistime./Indeksonline/