Gjendet pa shenja jete një person në Pejë

Një person është gjetur pa shenja jete, sonte në Pejë. Lajmin e ka konfirmuar për “IndeksOnline” zëdhënësi i Policisë së Pejës Fadil Gashi.

Gashi ka thënë se sonte rreth orës 20:16 minuta, policia është informuar se në rrugën e tranzitit në hyrje të Pejës, një person është gjetur pa shenja jete.  Sipas tij rasti po hetohet dhe se njësitet kompetente policore janë në vend të ngjarjes   

“Rreth orës 20:16 minuta policia është njoftuar se në Rrugën e tranzitit, para se me hy në Pejë, gjendjet një person pa shenja jete.  Autoambulanca e ka marrë personin në fjalë dhe e ka dërguar në spital, ku dhe është konstatuar vdekja e tij. Policia po e heton rastin dhe se njësitë kompetente policore, janë në vend të ngjarjes”, ka thënë Gashi.