Nuk ka fitues në ndeshjen Gjilani – Prishtina

Gjilani dhe Prishtina janë nda baraz në ndeshjen e javës së gjashtë në AlbiMall Superligën e Kosovës.

Rezultati përfundimtar i ndeshjes ishte 1-1, shkruan IndeksOnline.

Vendasit kishin epërsinë në këtë takim që nga minuta e 40-të, me golin e brazilianit Elton Cale.

Bardhekaltërit barazuan rezultatin me anë të sulmuesit, Kreshnik Uka, i cili u tregua i sakt nga penalltia në minutën e 66-të.

Gjilani përkundër barazimit, renditet në vendin e parë në tabel me 14 pikë të grumbulluara, ndërsa Prishtina renditet në vendin e katërt me 8 pikë.

Skuadra e Ismet Munishit ka edhe një ndeshje më pak, pasi FFK-ja kishte shtyrë ndeshjen kundër Dritës./IndeksOnline/