“Fake news” drafti gjerman për statutin e Asociacionit, thotë presidentja Osmani

Presidentja e Republikës, Vjosa Osmani është deklaruar rreth iniciativës franko-gjermane në raport me dialogun Kosovë-Serbi.

Në një paraqitje për media, presidentja theksoi se qëllimi i partnerëve është qëllim i mirë dhe kanë për qëllim që të përfundoj sa më parë marrëveshja Kosovë-Serbi.

Sipas saj, askush nuk ka kërkuar nga Kosova që të heq dorë nga njohja reciproke.

“Ajo ka për qëllim intensifikimin e dialogut, kjo nënkupton që shumë çështje që kanë qenë të trajtuara veç e veç, të grupeve në një dokument të vetëm. Do të ketë takime në javët në vijim, ky ekipi i Macron dhe Scholz për të gjitha çështjet që mund të grupohen dhe në afat kohor më të shkurtër të mund të adresohen në proces të dialogut të Brukselit. Qëllimi i partnerëve tanë është qëllim i mirë, dhe të përfundoj sa më parë, askush nuk ka kërkuar nga Kosova që të heq dorë nga njohja reciproke” – u shpreh Osmani.

Osmani tha se në takimin me Blinken në ShBA, ai e rikonfirmoi që nga Kosova nuk do të kërkohet “asgjë që bie ndesh me Kushtetutën e Kosovës”.

“Nuk e kam atë draft mbi tavolinë sepse është Fake Neës, nuk ka ndonjë draft gjerman që i është dorëzuar në tavolinë institucioneve të Kosovës. Në takimin me Blinken në ShBA, ai e rikonfirmoi që nga Kosova nuk do të kërkohet asgjë që bie ndesh me Kushtetutën e Kosovës” – tha Osmani në mes tjerash presidentja Osmani. Gjitha këto deklarata, Osmani i dha para fillimit të Forumit Ndërkombëtar për Gratë, Paqen dhe Sigurinë. /Indeksonline/