Trajneri i Marokos tregon çfarë u tha futbollistëve para ndeshjes

Maroko ka shkruar historinë duke arritur të kalojnë në gjysëmfinale të Kupës së Botës.

Kombëtarja afrikane mposhti në çerekfinale Portugalinë me rezultat minimal 1-0, shkruan IndeksOnline.

El Nesyri ishte ai i cili i dha fitoren Marokos ku shkroi historinë duke e dërguar për herë të parë në gjysëmfinale të Kupës së Botës.

Trajneri i kësaj kombëtarje, Walid Regragui ishte shumë i emocionuar pas ndeshjes dhe foli shkurt në prononcimin e tij.

“U thashë para ndeshjes, ne do të shkruajmë historinë për AFRIKËN. E merituam kalimin tutje”, tha ai.

Në gjysëmfinale, Maroko pret fituesin e ndeshjes Angli – Francë./IndeksOnline/