Alarm sigurie në Evropë, për ndeshjen Marok-Francë!

Gjysmëfinalja e dytë e Kupës së Botës është planifikuar për sonte në përballjen Marok-Francë në Katar nga ora 20:00. Skuadra surprizë e Marokut tani sfidon për finalen ndaj Argjentinës.

Por, kjo ndeshje po pritet edhe me rrezik të madh nga disa qytete evropiane. Qytetet e mëdha evropiane po përgatiten intensivisht për këtë duel.

Në Holandë, ku ka një komunitet të madh maroken, siguria po rritet. Metropoli i Amsterdamit ka caktuar katër rrethe si zona sigurie.

Edhe në Gjermani është rritur niveli i sigurisë. Më shumë personel sigurie do të jetë në vend dhe do të instalohen kamera të tjera vëzhgimi.

66 vjet më parë, Maroku ishte ende një koloni franceze dhe spanjolle. Për këtë arsye, shumë francezë kanë rrënjë marokene. Në Paris janë vendosur masat e sigurisë. Ministri i Brendshëm francez Gérald Darmanin (46) njoftoi të martën se do të vendosen 10,000 policë. Gjysma e tyre në zonën e madhe të Parisit.

Alarmi është ngritur edhe në qendër të Brukselit./Indeksonline/