17:45 / E Enjte, 06 Prill 2023 / Gj. Sh
Gjendet i vdekur një 30-vjeçar në Vushtrri, policia nis hetimet
Një person është gjetur pa shenja jete në rrugën “Nimon Ferizi” në Vushtrri sot.
Lajmin e ka konfirmuar Avni Zahiti, zëdhënës për media në Drejtorinë Rajonale të Policisë së Kosovës në Mitrovicë.
Ai tha se viktima është i moshës 30-vjeçare.
“Hetuesit policor me autorizim të prokurorit kanë nisur hetimet dhe zbardhjen e rrethanave të rastit. Me urdhër prokurorit trupi i pa jetë dërgohet në Institutin e Mjekësisë Ligjore për obduksion”, ka thënë Zahiti.
