Pas ndeshjes, Valverde e godet me grusht Alex Baenan e Villarealit

Pas përfundimit të ndeshjes Real Madrid – Villareal, Frederico Valverde e ka goditur me grusht Baenan.

Sipas mediave spanjolle ngjarja ka ndodhur në parkingun e veturave, ku Valverde e priste Baenan dhe e goditi me grusht në fytyrë, transmeton IndeksOnline.

Marca raporton futbollisti i Realit e sulmoi Baenan pasi ai gjatë ndeshjes e preku në familje.

Valverde dhe bashkëshortja e tij, Mina Bonino, ishin pranë humbjes së fëmijës me të cilin është shtatzënë, ndërsa raportohet se futbollisti i Villarealit në ndeshjen e kaluar i kishte thënë: “Qaj tani, se djali yt nuk do të lindë”.

Sipas mediave Baena këto fjalë i kishte perseritur edhe në ndeshjen e mbremshme, ndersa pasi e goditi me grusht, raportohet se këto ishin fjalët e Valverdes drejtuar futbollistit të Villarealit, “familja vjen e para dhe është e paprekshme”.

Për këtë rast është njoftuar edhe policia dhe se po trajtohet si sulm fizik./IndeksOnline/