Nesër nis shitja e biletave për ndeshjen Drita – Plzen, këto janë çmimet

Drita do të zhvillojë javën e ardhshme ndeshjen e kthimit ndaj Viktora Plzenit

Kjo ndeshje i takon raundit të dytë kualifikues në Ligën e Konferencës.

Gjithçka është e hapur ende, pasi gjilanasit ia dolën si mysafirë që të marrin rezultat pozitv – duke barazuar 0:0.

Ndeshja e kthimit do të zhvillohet më 3 gusht, në stadiumin “Fadil Vokrri”, me fillim prej orës 20:00.

Drita ka njoftuar se shitja e biletave për këtë ndeshje do të fillojë nesër.

Bileta më e lirë do të kushtojë 3 euro, kurse më shtrenjta (VIP) 25 euro.

Njoftimi i plotë nga klubi i Dritës: 

“Klubi jonë FC DRITA ju njofton se biletat për ndeshjen e kthimit FC DRITA – FC Viktoria Plzen do të dalin në shitje nesër(e hene) në mënyrë fizike nga ora 11:00 para teatrit të qytetit.

Gjithashtu ditën e ndeshjes biletat do të dalin në shitje tek stadiumi “FADIL VOKRRI” në dy pika të shitjes.

Çmimet për biletat në dispozicion janë:

• Veri 3 euro 
• Lindje 5 euro
• Perëndim 7 euro
• VIP 25 euro (katering all inclusive)”.