Peja bën mrekulli, rikthen rezultatin ndaj Golden Eagle Yllit dhe kalon në finale të Superkupës

KB Peja ka bërë një rikthim senzacional në gjysmëfinalen e Superkupës së Kosovës në basketboll.

Në palestrën “13 Qershori” në Suharekë, “Shqiponjat” mposhtën Golden Eagle Yllin, me rezultat 79-72, shkruan IndeksOnline.

Skuadra suharekase e mbylli pjesën e parë në epërsi 41-30, ndërsa gjatë çerkeut të tretë thelluan epërsinë deri në 17 pikë.

Por djelmoshat e Rami Hadar nuk u dorëzuan dhe arritën të bejnë mrekullinë, duke e përmbysur rezultatin dhe siguruan finalen e Superkupës.

Në finale Peja do të takohet me KB Trepçën e cila sot fitoi ndaj Sigal prishtinës./IndeksOnline/