Joshua mposht Wallin, gati për meçin e madh kundër Fury apo Usyk
![](https://indeksonline.net/wp-content/uploads/2023/12/Capture-247.jpg)
Boksieri britanik Anthony Joshua në një mbrëmje impozante në “Kingdom Arena” në Ryadh të Arabisë Saudite, ka triumfuar ndaj Otto Wallin.
Joshua fitoi ndaj Wallit, pasi ky i fundit e dorëzoi meçin në fund të raundit të pestë për shkak se nuk arriti të vazhdojë.
Boksieri britanik u duk në formë që në fillim të meçit, duke goditur disa herë Wallin, që nuk ishte në formën e tij më të mirë këtë mbrëmje. Kjo pasoi me dorëzimin e tij në fund të raundit të pestë, pasi mori disa goditje radhazi.
Përndryshe, këtë mbrëmje, spektakël dhuroi edhe Joseph Parker duke e mposhtur Deontay Wilderin me vendim të gjyqtarëve 118-111, 118-110 dhe 120-108.