Armani prezanton koleksionin pranverë-verë

Ngjyra të lehta “Pasteli” me motive lulesh dominojnë veshjet e koleksionit të ri Pranverë – Verë të shtëpisë së famshme të modës Armani.

Koleksioni luksoz u prezantua nga modelet në pasarelën e ngritur në ndërtesën e famshme të artit bashkëkohor, Palais de Tokyo në javën e modës në Paris.

Pjesë e larmisë së veshjeve ishin fustanët e gjatë me pala, pantallonat e ngushta të shoqëruara me jelekë të mëndafshtë pa jakë dhe bluza të tejdukshme të zbukuruara me modele lulesh të qëndisura ose të printuara.

Koleksioni shoqërohet edhe me gjerdanë e vathë me rruaza, kapele të rrumbullakëta të prerjeve të ndryshme, e çanta të vogla. Në fund, të pranishmit I përshëndeti edhe vetë krijuesi i koleksionit, 89-vjeçari Giorgio Armani.

Models moved slowly down the slim runway at Giorgio Armani’s Prive wearing accessories including looping necklaces and earrings made of beads, as well as round, pleated hats set atop the head at an angle, forming a broad halo https://t.co/3gg9HnW2q9 pic.twitter.com/YIpqZNOyWn

— Reuters (@Reuters) January 26, 2024