Ambasadori suedez thekson nevojën për miratimin e Kodit civil dhe nevojën për strehimore për LGBTQ+ në Prishtinë
![](https://indeksonline.net/wp-content/uploads/2024/06/111111.jpg)
Mbrëmë në Kosovë ka nisur zyrtarisht Java e Krenarisë. Në këtë ngjarje morën pjesë ministrja e Drejtësisë, Albulena Haxhiu, ambasadorë të huaj dhe personalitete të ndryshme.
Ambasadori i Suedisë në Kosovë, postuar disa fotografi nga kjo ngjarje dhe ka shkruar se në fjalën e tij ka theksuar nevojën për miratimin e kodit civil, njohjen ligjore të identitetit gjinor dhe nevojën për strehimore për LQBTQ+ në Prishtinë.
“Dje mbajta fjalën hyrëse në hapjen e “Prishtina Pride 2024”. Theksova nevojën për miratimin e kodit civil, njohjen ligjore të identitetit gjinor dhe nevojën për strehimore për LGBTQ+ në Prishtinë”, thuhet në postimin e tij në platformën X.
Held an opening speech at the launching event of Pristina Pride 2024 yesterday. Underlined the need to adopt the civil code, legal recognition of gender identity and the need for LGBTQ+ shelters in Pristina. pic.twitter.com/tadcrRLxiR
— Ambassador of Sweden to Kosovo (@AmbSwedenKosovo) June 4, 2024
Ministrja e Drejtësisë në Kosovë, Albulena Haxhiu, ka thënë të hënën se avancimi i të drejtave të komunitetit LGBTIQ+ (lesbiket, homoseksualët, biseksualët, transgjinorët, ndërgjinorët e të tjerë) në Kosovë është ende sfidues, dhe është zotuar që Qeveria e Kosovës do t’i adresojë të gjitha përgjegjësitë që ka në këtë drejtim.