Dy të lënduar nga aksidenti në Isniq të Deçanit, Policia jep detaje
![](https://indeksonline.net/wp-content/uploads/2024/06/121-3.jpg)
Një aksident i rëndë trafiku ka ndodhur pasditën e sotme në fshatin Isniq të Deçanit.
Rastin për Indeksonline e ka konfirmuar edhe zëdhënësi i Policisë për rajonin e Pejës, Driton Rugova.
Rugova pohoi se dy persona kanë pësuar lëndime si pasojë e përplasjes që ndodhi mes një veture dhe një kamioni.
Zëdhënësi bëri me dije se të aksidentuarit së pari u dërguan për tretman në Qendrën Kryesore të Mjekësisë Familjare në Deçan, për t’u bartur më pas në Spitalin Rajonal të Pejës.
“Sot rreth orës 19:00, Policia është informuar për një aksident trafiku i cili ka ndodhur në fshatin Isniq-Deçan, në këtë aksident kanë qenë të involvuara një kamion dhe një veturë.
Si pasojë e këtij aksidenti dy persona kanë pësuar lendime trupore të njejtit janë dërguar fillimishit në QKMF-Deçan e më pas ne Spitalin Rajonal në Pejë për tretman mjekësor.
Rasti është duke u hetuar nga hetuesit e Njësitit Rajonal të Komunikacionit Rrugor DRP Pejë” deklaroi Rugova./Indeksonline/
![May be an image of car](https://scontent.fprn12-1.fna.fbcdn.net/v/t39.30808-6/448952500_805237335043840_7765890361383753340_n.jpg?stp=cp6_dst-jpg&_nc_cat=106&ccb=1-7&_nc_sid=833d8c&_nc_ohc=7ECVRV74NwQQ7kNvgHyKly3&_nc_ht=scontent.fprn12-1.fna&oh=00_AYCPfv5ZC1g1hHRsny72o_Ku1juyWYoDwZpSGlSPJlYFHA&oe=6684D3DE)