Dëshmitari i rastit tragjik të Liam Payne-t: Ishte më e tmerrshme se…

Rënia fatale e Liam Payne-t u dëshmua nga një mysafir i hotelit “CasaSur Palermo” në Buenos Aires, i cili po qëndronte atje për martesën e tij dhe pretendon se është ende i përhumbur nga pamja që pa.

Bret Watson ishte në një dhomë në katin e parë të hotelit teksa shikonte nga dritarja, pau Liam-in duke u rrëzuar, shkruan TMZ-ja, transmeton Indeksonline.

Bret vrapoi në ballkon dhe shikoi poshtë dhe menjëherë njohu Liam-in. Bret thotë se zhurma e trupit të Liamit që goditi tokën ishte edhe më e frikshme se pamja e rënies.

Gjatë ditës, Bret dhe të ftuarit e dasmës vunë re se Liami dehej. Bret dëshmoi gjithashtu kontaktin e fundit të stafit të hotelit me Liam, kur e mbajtën për krahu dhe këmbë nga holli në dhomën e tij, ku e lanë vetëm. Jo shumë kohë më vonë, Liam ra nga ballkoni.

Versioni i Bretit i ngjarjes ndryshon nga ai i mikut të ngushtë të Liamit, Roger Nores, të cilin prokurorët po e akuzojnë për braktisjen e një personi në rrezik. Nores pohon se kur e pa për herë të fundit, rreth një orë para rënies, Liam ishte në gjendje të mirë shpirtërore.

Sipas dokumenteve zyrtare të siguruara nga TMZ-ja, afati kohor tregon se Liam po kërkonte kokainë më herët atë ditë dhe madje i dërgoi mesazh Nores se i duheshin 6 gramë.

Brian Paiz, kamerieri të cilin prokurorët duan ta akuzojnë për furnizimin e Liamit me kokainë, tha se ai vizitoi dhomën e Liamit dy herë gjatë qëndrimit të tij, çdo herë që pinte uiski me të dhe konsumonte kokainë që ai vetë e dorëzonte. Paiz pretendon se Liam nuk ka paguar për drogën./Indeksonline/