Gjuriq në Rahovec, thotë këto fjalë për dialogun me Kosovën

Drejtori i të ashtuquajturës Zyre serbe për Kosovën, Marko Gjuriq  ka thënë se  Beogradi ka bërë gjithmonë dhe do të bëjë gjithçka që marrëdhëniet ndëretnike në Kosovë të jenë më të mira.

“Për dialogun do të flasim , kur të vjen koha ,” tha ai  duke iu përgjigjur pyetjes nëse do të vazhdojë dialogu i Brukselit, duke pasur parasysh se kryediplomatja evropiane, Federica Mogherini njoftoi më herët se agjenda e vazhdimit të bisedimeve është në përgatitje.

Ai këto komente,  i bëri në Hoçë të Madhe të Rahovecit të cilën e vizitoi bashkë me ministrin e arsimit të Serbisë, Mladen Sharçeviq./Indeksonline/