Danilo për kohën e tij te Reali: Kishte raste kur dukej se harrova se si të luaja futboll

Danilo ka rrëfyer në një intervistë për The Guardian vështirësitë që ka përjetuar gjatë kohës së tij me Realin.

Në më shumë se një rast, braziliani Danilo Luiz da Silva ka qenë i sinqertë kur kujton kohën e tij në Real Madrid , madje duke përmendur se gjatë kohës së tij në Santiago Bernabéu ai kishte nevojë edhe për kujdes psikologjik.

Këtë të hënë, lojtari tashmë i Flamengos deklaroi në një intervistë për The Guardian se kritikat që ai mori peshuan ndjeshëm gjatë kohës së tij në klubin e bardhë .

Një Danilo shumë i sinqertë kujtoi se ka vuajtur shumë si pasojë e pyetjeve që ka marrë për performancën e tij me ekipin, gjë që e ka detyruar të fokusohet në shëndetin e tij mendor dhe të kërkojë ndihmë profesionale.

“Real Madridi ishte kulmi i këtij problemi, sepse është klubi më i madh në botë. Vuajta aq shumë sa më duhej të kërkoja ndihmë psikologjike . Kishte raste kur më dukej sikur nuk mbaja mend më se si të luaja futboll,” filloi ish-lojtari i Real Madridit.

” Kritika më lëndoi shumë. Unë u kapja plotësisht pas tyre, në rrjetet sociale, në çdo gjë . Pikërisht atëherë fillova të punoja me një psikolog sportiv,” shtoi ai.

Danilo gjithashtu përmendi se ishte mesfushori brazilian Lucas Silva, i cili luajti shkurtimisht për Real Madridin, i cili rekomandoi që të kërkonte ndihmë profesionale për të rifituar formën e tij më të mirë.

Danilo, kishte qenë pjesë e Realit në periudhën 2015-2017, ku gjatë këtyre viteve kishte fituar La Ligën dhe Ligën e Kampionëve./IndeksOnline/