Zhvillohen dy ndeshje interesante sot në Superligën e Kosovës

Java e 26-të e Superligës së Kosovës në futboll vazhdon edhe sot.

Dy takime janë në program. Suhareka e pret në shtëpi ekipin e Malishevës, ndeshje kjo që nis nga ora 14:00, shkruan Indeksonline

Gjyqtar kryesor i këtij dueli është Lirim Jashari.

Kurse nga ora 20:00, në stadiumin “Fadil Vokrri”, Prishtina e pret vendin e fundit në tabelë, Feronikelin ’74.

Kujtojmë se dje u zhvillua ndeshja e parë e kësaj jave, ku Drita fitoi 4:0 në derbin lokal, ndaj Gjilanit.

Të shtunën zhvillohen edhe dy ndeshje të tjera, Llapi kundër Ballkanit dhe Ferizaj ndaj Dukagjinit./Indeksonline/