Prezantohet kandidati i LDK-së në garën për Deçanin

Lidhja Demokratike e Kosovës do të përfaqësohet nga Jeton Mushkolaj në Deçan, në zgjedhjet lokale që do të mbahen në tetor.

Mushkolaj ka publikuar një video me vizionin e tij për Deçanin, duke thënë se synon të sjellë një drejtim të ri për qytetin.

“Të nderuar qytetarë të komunës së Deçanit, Të gjithë ju që jetoni në Kosovë dhe në mërgatë,

Sot shpall zyrtarisht kandidaturën time për Kryetar të Komunës së Deçanit. Me përkushtim të plotë dhe me mbështetjen tuaj, synoj të sjell një drejtim të ri, më të afërt me qytetarin, më transparent dhe më zhvillimor për komunën tonë” shkroi Mushkolaj.