Galatasaray ofron 60 milionë për Osimhen, Napoli habit me vendimin

Victor Osimhen mbetet lojtar i Napolit, pasi klubi italian ka refuzuar një ofertë për sulmuesin nigerian nga kampionët turq Galatasaray.

Gjigantët e Stambollit bënë një ofertë prej 60 milionë eurosh për Osimhen, por Napoli e refuzoi atë, pretendon Sky Sport Italia.

26-vjeçari e kaloi sezonin e kaluar si huazim te Galata, duke shënuar 37 gola dhe duke dhënë 8 asiste në 41 ndeshje dhe luajti një rol vendimtar në fitoren e Galatasarayt për titullin e 25-të të ligës turke.

Kontrata e Osimhen me Napolin, e cila është e vlefshme deri në verën e vitit 2026, ka një klauzolë lirimi me vlerë 75 milionë euro, dhe “Partenopei” duan më shumë se 60 milionët e ofruara nga turqit për t’u ndarë nga sulmuesi.

Mes dështimit të negociatave midis dy klubeve, Galatasaray tashmë ka arritur një marrëveshje me vetë lojtarin në lidhje me kushtet e tij personale, dhe ai do të nënshkruajë një kontratë 3+1 vjeçare me gjigantët e Stambollit nëse Galatasaray arrin ta blejë atë nga Napoli.